Zaat K Khaali Pan Ka Madawa

ہم میں سے بہت سے لوگ اس زندگی میں اپنا راستہ کھو بیٹھتے ہیں۔ کچھ لوگ امید چھوڑ دیتے ہیں کیونکہ انہیں اپنے درد، مسائل اور ناکامیوں سے نکلنے کا کوئی راستہ نظر نہیں آتا۔ کچھ لوگ برسوں کی شرمندگی اور خود سے نفرت کا بوجھ اٹھائے رہتے ہیں۔ اور کچھ لوگ دنیاوی کامیابی کے باوجود ایک گہرے خالی پن کے ساتھ جیتے ہیں۔

لیکن امید موجود ہے۔ اور واپسی کا راستہ ہمیشہ ہوتا ہے۔ جس طرح ہمیں اس دنیاوی سفر میں گرنے کی صلاحیت کے ساتھ بھیجا گیا ہے، اسی طرح ہمیں دوبارہ اٹھنے کی صلاحیت بھی دی گئی ہے۔ جس طرح ہم زخمی ہوتے ہیں، اسی طرح ہم شفا بھی پاتے ہیں۔ ہمیں ایک ایسی الٰہی صلاحیت کے ساتھ پیدا کیا گیا ہے جو ہمیں حالات کا مقابلہ کرنے، زندہ رہنے، اور یہاں تک کہ طوفانوں میں بھی ترقی کرنے کے قابل بناتی ہے۔

ہم میں سے ہر ایک کو اللہ کی طرف سے یہ صلاحیت دی گئی ہے کہ وہ اندھیرے میں بھی راستہ دیکھ سکے، سردی میں بھی اٹھ کھڑا ہو، بار بار ٹوٹے اور پھر بار بار جُڑ جائے—اور پھر اپنی ٹوٹی ہوئی جگہوں میں پہلے سے بھی زیادہ خوبصورت بن جائے۔